శ్రీ సాయి పుష్పగిరి - ఆధ్యాత్మిక జీవితం - 16వ.భాగం

03.06.2016 శుక్రవారం

ఓం సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

సాయి బానిస గారికి బాబావారు ప్రసాదించిన ఆధ్యాత్మిక సందేశాలు మరికొన్ని.

శ్రీ సాయి పుష్పగిరి - ఆధ్యాత్మిక జీవితం - 16వ.భాగం

02.08.2015

151.  మనముపదవిలోఉండగానె ఇల్లు చక్కబెట్టుకోవాలని అడ్డ దారులలో ధన సంపాదన, మనకింద పనిచేసేవారిచేత భజనలు చేయించుకోవడము చేస్తాము.  ఒకసారి పదవీవిరమణ జరిగినతరవాత మనకు భజనచేసినవారు మననుండి సహాయం పొందినవారు దూరంగావెళ్ళిపోతారు.  కనీసముఆఫీసు దగ్గరున్నశునకముకూడా మన మొహము చూడదు.  అందుచేత నిజ జీవితాన్నిఅర్ధము చేసుకుని ప్రయాణం కొనసాగించాలి.      

152.  జీవితంలో సమస్యలు వచ్చినపుడు పోరాడాలి.  కాని ఆ సమస్యలు నీకంటెబలమయినవి అయినప్పుడు నీవు ఆ సమస్యలతో రాజీపడి జీవించడం అలవాటు చేసుకోవాలి. 

18.05.2010

153.  కొడుకు చేసిన మంచి పనులకు తండ్రి గర్వపడాలి.  తండ్రి చేసిన మంచి పనులను కొడుకు కొనసాగించాలి. 

29.05.2010

154.  నీ యింటికి వచ్చిన అతిధులకు నీవు భోజనంపెట్టి వారి ఆశీర్వచనాలు పొందాలి.  అలాగే నీవు యోగుల దగ్గరకు వెళ్ళి వారినుండి ఆధ్యాత్మిక సంపదను తీసుకుని వారి ఆశీర్వచనాలతో జీవితాన్నికొనసాగించాలి.  

26.08.2010

155.  నీవు భోజనం చేసేముందు నీ తల్లిని, తండ్రిని, గురువును తలచుకుని వారికి మనసులోఆ భోజనాన్నిఅర్పించి, ఆ తరువాత నీవు భోజనం చేయి.  

05.09.2010

156.  నీ శత్రువులనుండి దూరంగా జీవించడం అలవరచుకో.  ఒకవేళ ఎదురు పడితే తక్కువగామాట్లాడు.  ఒకవేళ మాటాడవలసివస్తే తెలివిగా మాట్లాడు. ఒకవేళ నీలోబలం లేకపోతే కనీసము అతనిని తాకవద్దు.  యుక్తిగా అక్కడినుండి దూరంగా వెళ్ళిపో.    

11.09.2010

157.  మన మంచి తనాన్నిఇతరులు తమ స్వార్ధానికి వాడుకుంటారు.  అందుచేత వారితోజాగ్రత్తగా వ్యవహరించాలి. 

22.09.2010.

158.  మనకి ఇష్టం లేనివారినుండి మనము దూరంగాఉన్నచో అదే వారికి తగిన శిక్ష అనిగ్రహించు. 

24.09.2010.

159.  నీ   జీవితంలో నీవు నీ పిల్లల పట్ల బరువు బాధ్యతలు పూర్తి చేసిననాడు నీవు నీ వృధ్ధాప్యంలో నీ పిల్లలపై వ్యామోహాన్నివిడనాడవచ్చును.

01.10.2010

160.  ఒక మనిషి చనిపోతే ముందుగా అతనికి దహనసంస్కారాలు పూర్తిచేసి ఆతరువాతనె అతనిజీవితంలోని మంచిచెడ్డలను తీరుబడిగా మాట్లాడవచ్చును.

(మరికొన్ని సందేశాలు ముందు ముందు )

(సర్వం శ్రీసాయినాధార్పణమస్తు)