శ్రీసాయి పుష్పగిరి – ఆధ్యాత్మికం 8వ.భాగమ్

    

      

20.03.2016 ఆదివారమ్

ఓమ్ సాయి శ్రీసాయి జయజయ సాయి

సాయి బంధువులకు బాబాఅవారి శుభాశీస్సులు

ఈ రోజు సాయిబానిస గారికి బాబావారు ఇచ్చిన ఆధ్యాత్మిక సందేశాలను మరికొన్ని తెలుసుకుందాము

             

శ్రీసాయి పుష్పగిరి – ఆధ్యాత్మికం 8వ.భాగమ్

03.04.2009

71.  పిల్లవాడు తన తల్లి పాలు త్రాగి ఆమెకు ఋణపడి ఉంటాడు. ఆ ఋణము ఒకజన్మలో తీరదు.  బాబా ఆవుపాలు త్రాగి ఆ ఆవుఋణమును లక్ష్మీఖాపర్డే రూపములో తన ద్వారకామాయికిరప్పించుకుని ఆమెను ఆశీర్వదించినారు.  (శ్రీ సాయి సత్ చరిత్ర27వ.అధ్యాయము)

                                                                                                                                                                                             సాయిబానిస

11.04.2009

72.  గుఱ్ఱపు పందాలలో ఆఖరులో మెల్లిగా వచ్చిన గుఱ్ఱానికి,రౌతుకు బహుమానమిచ్చారు.  గుఱ్ఱపు పరుగు వేగాన్ని తగ్గించిరౌతు చాలా మెల్లిగా గుఱ్ఱాన్ని ముందుకు నడపడం కూడా ఒకసాధనె.  ఈ పందెములో బహుమానము పొందటం ఒకఅదృష్టము.                             

 (ఇక్కడ గుఱ్ఱము అనగా భగవంతుని అనుగ్రహమనిభావించవలెను) 

29.04.2009

73.  ఎవరినివారే ఉధ్ధరించుకోవాలి.  ఇతరులను ఉధ్ధరించగలననిఅనే ఆలోచన అవివేకము.  కనుక వివేకముతో జీవించి నీగమ్యముచేరుకో. 

20.05.2009

                  

       

74.  గురువు శిష్యుడు యిద్దరూ ఒకచోట కూర్చుండి శాస్త్రఅధ్యయనం చేయాలి.  అంతేకాని, గురువు తన పని తానుచేసుకుంటూ శిష్యుడిని వదలివేసిన అది గురుశిష్య సాంప్రదాయానికివిరుధ్ధము.  గురుశిష్య  పరంపరలో అపార్ధాలకు చోటు ఉండరాదు.  

24.06.2009

75.  సముద్రంలో పెద్ద చేపలు చిన్నచేపలను తినడం సృష్టిధర్మాలలో ఒకటి.  ఇది లేనిరోజున సముద్రమునిండా చిన్న చేపలతోనిండిపోయి సముద్రము నిరుపయోగమయిపోతుంది.  పెద్దచేపచిన్న చేపలను తినడం జీవహింస కాదు.

                            

25.07.2009

76.  శ్రీసాయి పంచభూతాలలోను ఉన్నారు.  పంచభూతాలకలయికే ఈశరీరము.  అందుచేత శ్రీసాయి ప్రతి జీవిలోనుఉన్నారు.                                                                                                  సాయిబానిస

77.  సరస్వతీ కటాక్షము ఉన్నవారిలో చాలామందికి అహంకారంరావడం నాకు కొంత చికాకు కలిగించింది.  మరికొంత మందికిలక్ష్మీకటాక్షం రావడంతో వారు అహంకారంతో జీవించడంప్రారంభించారు.  ఇది నాకు చాలా బాధకలిగించింది.  భగవంతునిసేవలో అహంకారం విడనాడాలి.  అప్పుడే ఆ జీవితానికి సార్ధకతఅని  గ్రహించాను.    

19.08.2009

78.  దోమలలోను, చీమలలోను ఉన్నది నేనే అని నేను అందరికిచెబుతున్నానే మరి షిరిడిలోని నా విగ్రహానికి రాత్రి ఆరతి యిచ్చినతరువాత దోమతెర కట్టడం నాకర్ధం కావటల్లేదు.

                     

79. నీ శరీరం పంచభూతాలతో సృష్టించబడింది కదా.  నీ శరీరంలోనిపంచభూతాలను నీవు చూడలేవు.  కాని వాటి ఉనికిని నీవుఅనుభూతిగా పొందుతూ ఉంటావు.  అలాగే నీవు నీ కళ్ళతోభగవంతుని చూడలేవు.  కాని నీవు ఆ భగవంతుని అనుభూతినిమాత్రం పొందగలవు.  కారణం ఈ పంచభూతాలను సృష్టించింది ఆభగవంతుడే కనక. 

80.  స్నేహాలు, బంధుత్వాలు, ఈ శరీరానికి ఎంత వరకుఉపయోగపడతాయి అని ఆలోచించి అంత వరకే అవి నిజమనిగుర్తించు.  అవి మాత్రము శాశ్వతం కావు.  అందుచేతశాశ్వతమయిన ఆ భగవంతుని సదా స్మరిస్తూ ఉండు.  

            

(మరికొన్ని సందేశాలు తరువాతి సంచికలో)

(సర్వం శ్రీసాయినాధార్పణమస్తు)