శ్రీసాయిరామ చరిత్ర - మధుర ఘట్టములు - 2

         

       

01.09.2015 మంగళవారం

ఓంసాయి శ్రీసాయి జయజయసాయి

సాయిబంధువులకు బాబావారి శుభాశీస్సులు 

శ్రీసాయిరామ చరిత్ర - మధుర ఘట్టములు - 2

ఈ రోజు శ్రీసాయి రామచరిత్రలోని గురువు మరియు ఆయన కుటుంబము అనే అధ్యాయములోని కొన్ని ఆసక్తికరమయిన, నాకు నచ్చిన ఘట్టాలను మీముందుంచుతున్నాను.

ఈ అధ్యాయం శ్రీసాయిబాబా యొక్క భక్తురాలయిన శ్రీమతి మేనేజరు యొక్క అనుభవాలతో ప్రారంభమయింది. 

" శ్రీసాయిబాబాను మొదటిసారి ఏవరయినా చూస్తే ఆయన కళ్ళలోని శక్తిని గురించే మాట్లాడేవారు.  ఆయన కళ్ళలో అధ్బుతమైన శక్తి ఉండేది.  ఎవరయినా సరే తీక్షణముగా ఆయన కళ్ళలోకి చూడాలని ప్రయత్నించిన, చూడలేక తల దించుకొనేవారు.  ఆయనను చూడటానికి వెళ్ళిన ప్రతివారు శ్రీసాయి తమ గుండెలలోనే కాదు, తమ శరీరములో ప్రతి అణువులోను ఉన్నారు అనే అనుభూతిని పొందేవారు.  శ్రీసాయికి తమ గురించి అన్ని తెలుసు (భూత, భవిష్యత్, వర్తమానాలు) అనే భావన ఆయనను చూడటానికి వెళ్ళిన ప్రతివ్యక్తి పొందేవాడు.  అటువంటి సమయములో ఆవ్యక్తికి శ్రీసాయి శరణు కోరడము తప్ప వేరే మార్గము ఉండేది కాదు.    

శ్రీసాయిరామచరిత్ర - 1

             

             

          

31.08.2015 సోమవారం

సాయిబంధువులకు బాబావారి శుభాశీస్సులు

సరిగ్గా నెల రోజుల తరువాత మన బ్లాగులో ప్రచురణకి అవకాశం ఏర్పడింది.  ఈ మధ్య కాలంలో బాబావారికి సంబంధించిన పుస్తకం ఒకటి ప్రచురించే పనిలో ఉండటం వల్ల సాధ్యపడలేదు.  అంతా బాబా వారి కార్యమే కాబట్టి ఆలశ్యమయినందుకు మన్నించాలి.  

             

ఆర్థర్ ఆస్ బోర్న్ గారు సాయిబాబా వారిపై " THE INCREDIBLE SAIBABA" అనే పుస్తకాన్ని రచించారు.  ఆ పుస్తకాన్ని సాయిబానిస రావాడ గోపాలరావుగారు తెలుగులోకి అనువాదం చేశారు.  నేటినుండి ఆయన అనువాదం చేసిన పుస్తకంలో నాకు నచ్చిన మధురమైన ఘట్టాలని మీముందుంచుతాను.                                                                         

                                                           ఓం సాయిరాం  

ఆర్థర్ ఆస్ బోర్న్ - THE INCREDIBLE SAIBABA 

శ్రీసాయిరామచరిత్ర - తెలుగు అనువాదం : సాయిబానిస రావాడ గోపాలరావు

    

సంకలనం : ఆత్రేయపురపు త్యాగరాజు - 9440375411 నిజాంపేట్, హైదరాబాద్

శ్రీసాయిరామచరిత్ర

శ్రీసాయిభక్తులకు నమస్కారములు: 

శ్రీషిరిడీ సాయిబాబావారి జీవిత చరిత్రను శ్రీసాయి ఆశీర్వచనాలతో శ్రీహేమాద్రిపంత్ గారు 1930వ.సంవత్సరంలో పూర్తి చేశారు.  ఈనాడు కోటానుకోట్ల మంది సాయి భక్తులు ఈగ్రంధమును అనేక భాషలలో శ్రీసాయిబాబా జీవితచరిత్రగా అనువాదము చేసుకొని నిత్యపారాయణ గ్రంధముగా స్వీకరించి, తమ జన్మ సార్ధకము చేసుకొనుచున్నారు.  1930వ.సంవత్సరము తరువాత అనేకమంది రచయితలు శ్రీసాయిబాబా జీవితచరిత్రను అనేక భాషలలో తమ స్వంత ఆలోచనలను మేళవించి వ్రాసారు.  నేను అనేకమంది రచయితలు శ్రీసాయిబాబాగారిపై వ్రాసిన పుస్తకాలను చదివాను వాటన్నిటిలో నామనసుకు హత్తుకుపోయిన పుస్తకము ఆర్థర్ ఆస్ బోర్న్ గారు ఆంగ్లభాషలో వ్రాసిన 'THE INCREDIBLE SAIBABA'  అనే పుస్తకము.  ఆంగ్ల పరిజ్ఞానము కలవారు ఆపుస్తకమును చదవమని కోరుతున్నాను.  తెలుగుభాషకే పరిమితమయిన సాయిభక్తులకు ఉపయోగపడే విధముగా ఆర్ధర్ ఆస్ బోర్న్ గారు వ్రాసిన పుస్తకముపై నా ఆలోచనలు, విశ్లేషణలు మీకు అందచేస్తున్నాను.  స్వర్గవాసియైన శ్రీఆర్ధర్ ఆస్ బోర్న్ గారి ఆత్మకు శాంతికలగాలని శ్రీసాయినాధులవారిని ప్రార్ధించుచున్నాను. ప్రతిసాయిభక్తుడు ఈ పుస్తకమును కొని చదవాలి. 

శ్రీసాయి సేవలో 

సాయిబానిస

శ్రీసాయి సత్ చరిత్రలోని నిగూఢరహస్యాలు - 3

    

14.11.2014 శుక్రవారము

ఓంసాయి శ్రీసాయి జయజయసాయి

సాయిబంధువులకు బాబావారి శుభాశీస్సులు

శ్రీసాయి సత్ చరిత్రలోని నిగూఢరహస్యాలు - 3

  

ఆంగ్లమూలం: సాయిబానిస శ్రీరావాడ గోపాలరావు

తెలుగు అనువాదం: ఆత్రేయపురపు త్యాగరాజు - 9440375411

                              హైదరాబాద్

ముందుగా సాయిప్రేరణ: ఒక్కసారి నన్ను నీరక్షకుడిగా భావించి చూడు, నిన్ను అన్నిరకముల బాధలనుండి విముక్తుడ్ని చేస్తాను. 

3వ.ప్రశ్న: శ్రీసాయి సత్ చరిత్ర ముప్పదిరెండవ అధ్యాయములో శ్రీసాయి అన్న మాటలు: 

"నాగురువు నన్ను ఒక బావి వద్దకు తీసుకొనివెళ్ళి, నాకాళ్ళను తాడుతో కట్టి నన్ను తలక్రిందులుగా ఒక చెట్టుకు కట్టి, బావిలోని నీళ్ళకు మూడు అడుగులు మీద వ్రేలాడదీసిరి.  నాచేతితోగాని, నోటితో గాని, నీళ్ళను అందుకొనలేకుంటిని.  నన్ను ఈవిధముగా వ్రేలాడగట్టి కొంతసేపు తర్వాత బావిలోనుండి బయటకు తీసి ఎట్లుంటివి అని అడిగిరి" ఈ మాటలకు అర్ధము తెలుపగలరు.

జవాబు: మనము ఈ ప్రపంచములోనికి అడుగుపెట్టేముందు మన తల్లి గర్భములో మనము తొమ్మిది నెలలు గడిపిన పరిస్థితి గుర్తు చేసుకొందాము.  తల్లి గర్భములో శిశువు తలక్రిందులుగా తల్లితో ఒక ప్రేగుతో బంధము కలిగియుంటుంది. 

     

       

 శిశువు తల్లి గర్భములోని నీటిలో తేలుతున్నా ఆనీరును త్రాగదు.  ఆశిశువుకు కావలసిన నీరు, గాలి, ఆహారము తల్లితో బంధము కలిగియున్న  ప్రేగు ద్వారా లభించుతుంది.  అంటే శిశువుకు తొమ్మిది నెలలు తల్లి ప్రేగునుండే శక్తిని పొంది నవమాసాలు తర్వాత బాహ్య ప్రపంచంలోనికి తల్లి ప్రేగును తెంచుకొని బయటకు వస్తుంది.

ఈప్రశ్నలో నుయ్యి అనేది ఆధ్యాత్మిక ప్రపంచం.  ఆనూతి గట్టుమీద చెట్టు మన గురువు. మనము కట్టుకొన్న ఆతాడును మన గురువు చేతికి అప్పగించి తలక్రిందుగా తపస్సు చేసుకొనుచున్నాము.  (పూర్వకాలములో మునులు తలక్రిందులుగా కూడా తపస్సు చేసేవారు).  మన తపస్సు ఫలించిన తర్వాత గురువు సాక్షాత్కరించి ఎట్లాగ యున్నావు అని పలకరించటము మన అదృష్ఠము.

శ్రీసాయికి అంకిత భక్తులము అయి సాయిమాత గర్భము (ఆధ్యాత్మిక ప్రపంచము) లో ప్రశాంతముగా జీవించుతు మన గమ్యస్థానమునకు చేరుకొందాము.

జైసాయిరాం

(సర్వం సాయినాధార్పణమస్తు)

మరలా మన బ్లాగులో ప్రచురణ 15 రోజుల తర్వాత జరుగుతుంది.  అంతవరకూ ఇంతకు ముందు ప్రచురించిన సాయిలీలలను మనసారా చదవండి. 

శ్రీసాయి సత్ చరిత్రలోని నిగూఢ రహస్యాలు - 2

    

      

13.11.2014 గురువారం

ఓం సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

శ్రీసాయి సత్ చరిత్రలోని నిగూఢ రహస్యాలు - 2

ఆంగ్లమూలం : సాయిబానిస శ్రీరావాడ గోపాలరావు

తెలుగు అనువాదం: ఆత్రేయపురపు త్యాగరాజు - 9440375411

                   హైదరాబాద్ 

ముందుగా సాయి ప్రేరణ: ఒక్కసారి నా సత్ చరిత్రను మననం చేసి చూడు, నీలో ఆధ్యాత్మిక జ్ఞానాన్ని నింపుతాను. 

2వ.ప్రశ్న: శ్రీసాయి సత్ చరిత్ర పదకొండవ అధ్యాయము: శ్రీ సాయి అన్నమాటలు "మశీదులో ఈరోజు మేకను కోసెదము, నీకు మాంసము కావలెనా? లేక రొండి (ఎముకలు) కావలెనా?  లేక కప్పూరములు (వృషణములు) కావలెనా? " ఈ మాటలకు అర్ధము తెలుపగలరు. 

జవాబు: మేకమాంసము తినే మాంసాహార సాయి భక్తులు అందరికి తెలిసిన కొన్ని విషయాలను తెలిపెదను.  మేక మాంసము మన శరీరానికి కావలసిన శక్తిని యిస్తుంది.  అలాగే మేక వృషణాలు మన శరీరములో లైంగికపరమైన కోరికకు జనింపచేస్తాయి.  మరి మేక శరీరములోని ఎముకలు మధ్యయున్న "గుజ్జు" మన శరీరములోని ఎముకలకు శక్తిని ప్రసాదించుతుంది.  మన శరీరములోని కండరాలలో శక్తియున్న, లేక లైంగికపరమైన కోరికలను తీర్చుకొనే శక్తి కలిగియున్న అవి భగవంతుని సేవకి లేదా తోటి మానవసేవకి పనికిరాదు.  మన శరీరములోని ఎముకలలో శక్తియున్ననాడే మనము "సూర్యనమస్కారములు, సాష్టాంగనమస్కారము చేయగలము మరియు తోటిమానవునికి సేవ, సహాయములను చేయగలము.  అందుచేత మనము బాబా కోసిన మేకయొక్క ఎముకలను ప్రసాదముగా స్వీకరించి, మన శరీరములోని ఎముకలకు శక్తిని పొంది "మానవసేవయే మాధవసే" అని నిరూపించుదాము.

జై సాయిరాం. 

(రేపు మరొక ప్రశ్న)

(సర్వం శ్రీసాయినాధార్పణమస్తు)